LEGAZPI CITY-Mas pinahigot kan Legazpi City Public Safety Office an saindang direktiba manungod sa mga motoristang dai nagtataong dalan para sa mga emergency vehicles.
Segun kay Legazpi City Public Safety Office Chief Octavio Rivero, sa intrevista kan Bombo Radyo Legazpi, na enkaso magbayolar digdi, tulos na dadakupon kan mga traffic enforcer sa ciudad.
Tinawan doon man niya na dapat mag-give way an mga awto para sa mga may mga emerhensya siring kan ambulansya, pulisya, fire truck, asin iba pa.
Sa presente wara pa man nin mga nanotarang report manungod digdi, alagad pigpapaotob suboot ini basado sa ordinansa kan ciudad.
Mientrastanto, padagos man an pigsasagibong wheel clamping sa ciudad kan Legazpi huli sa mga nareresibing reklamo kan saindang opisina asin inaabisuhan an mga nagbibisita sa ciudad na dai magparada sa maski sain-sain na lugar.
