Ipigsugo na ni Tourism Secretary Christina Frasco an paghali sa gabos na mga materyales kan Department of Tourism (DOT) na igwag ladawan niya.
Kasabay kaini an direktiba sa mga regional offices na ipundo an pagpapaluwas nin kaparehong mga content, kasunod kan mga pagtuyaw durante kan Senate deliberations kun sain inakusaran ini na pigagamit an mga government-funded tourism programs ngani na mai-promote an sadiri.
Dugang pa kan opisyal na hahagadon man niya sa mga lokal na gobierno na ibitaran an pagamit kan saiyang mga ladawan sa anuman na tourism-related materials.
Inapod man ni Frasco an isyu bilang ulang sa mas importante na mga national concerns na nakaka apektar sa industriya kan turismo.
Marurumduman kaya na sinita ni Senator Raffy Tulfo an mga magazines asin promotional materials na nagpi-feature ki Frasco huli ta pigduon kan senador na an mga tourist destinations an dapat na pigkakampanya asin bako an mga opisyal kan gobierno.
