Warang patod o round-the-clock na ngonian an operasyon kan National Bureau of Investigation (NBI) nganing arestaron an kontrobersyal na negosyanteng si Atong Ang.
Kinumpirmar ni NBI Director Angelito Magno na pinahiwas na kan ahensya an saindang dragnet asin surveillance operations.
Partikular ngonian na pigtututukan kan mga awtoridad an mga eksklusibong hotel asin casino kun sain posibleng nagtatago o pigpoprotehiran an nasabing gaming tycoon.
Segun ki Magno, mahigot nindang pigbeberipika an kada intelligence report na naglalaog sa saindang opisina ngani na masusog an eksaktong lokasyon ni Ang.
Pigsierto kan director na dae mapundo an saindang pwersa asin gagamiton an gabos na resources kan ahensya sagkod na maisairarom sa saindang kustodiya an puganteng negosyante.
 is now conducting a round-the-clock operation to arrest controversial businessman Atong Ang.){kind=link}