Kumpiyansa si Atty. Kristina Conti, assistant to counsel sa International Criminal Court (ICC), na dae babaliktadon kan ICC Appeals Chamber ang desisyon na ipigkonsiderar na fit si dating Presidente Rodrigo Duterte nganing mag-atendir sa Confirmation of Charges hearing na mapuon sa Pebrero 23, 2026.
Segun ki Conti, mantang igwang saradit na isyu, wara na suboot na dakulang ulang nganing idagos an mga hearing, urog na sa logistics asin protocol.
Enot nang nangapudan liwat an lado ni Duterte mapadapit sa nagin desisyon kan ICC Pre-Trial Chamber I, kun saen ipigdoon na nagkaigwa suboot ini nin error of law nin dae isaalang-alang ang medical report hale sa sarong neurologist asin neuropsychologist na saindang isinumiter.
Magigiromdoman na orihinal na itinakda kan Setyembre 2025 an Confirmation of Charges hearing kan dating presidente alagad naiba ini huli sa mga paghadit kaito na bako suboot fit si Duterte na maghampang sa paglilitis.
Para ki Conti, dae man suboot makakamaray sa lado ni Duterte an padagos na pagpapa-octaba kan hearing urog na kun ipigdoon an suboot padagos na paglala kan salud kan dating presidente.
Dugang niya dae soya nagtutubod na kasing lala kan ipigladawan kan depensa ang kondisyon ni Duterte.
Sa sarong redacted na bersyon kan review kan detensyon ni Duterte, sinabi kan Pre-Trial Chamber I na napag-araman kan mga expert panel na may bastante na cognitive condition si Duterte nganing mag-atendir sa mga pre-trial proceedings.
Binanggit man kan chamber na, bilang parte kan pagigin patas, dae ini malaom sa mga medical report na isinumiter kan alinmang partido o sa interpretasyon kan saindang defense team.
