Nanindugan an Association of Southeast Asian Nations (ASEAN) na dai kaini mimidbidon an three-phased elections sa Myanmar.
Segun ki Department of Foreign Affairs (DFA) Secretary Theresa Lazaro, malinaw an paninindugan kan regional bloc sa nasyon, alagad bukas pa man giraray ini sa pag-adal kan nagkapirang komplikadong isyu asin posibleng mga pangyayari sa presenteng kamugtakan sa Myanmar.
Pigtawan doon kan kalihim na magkakaigwa nin serye nin mga pagtiripon asin pag-orolay manungod sa isyu, kaiba an mga representante hale sa Myanmar.
Magigirumduman na an Myanmar nagkaigwa kan ikatolo asin huring kabtang kan eleksyon bilang parte kan sarong bulan na general elections na inorganisar kan military junta, na yaon sa poder poon kan pagpatalsik sa administrasyon ni Aung San Suu Kyi kan 2021.
Sarong semana makalihis kaini, nagbukas an duwang aldaw na closed-door ministerial talks sa pagultangan kan mga lider kan ASEAN.
An Pilipinas an presenteng nagseserbi bilang pamayo kan regional bloc ngonian na taon.
 has insisted that it will not recognize three-phased elections in Myanmar.){kind=link}