Temporaryong nadestino an MV Maria Rebecca sa ruta na dating pigtatahak kan MV Trisha Kerstin 3, an passenger vessel na naglubog sa kadagatang sakop kan Basilan maagahon nin Lunes, Enero 26.
An naunambitang barko an may passenger capacity na 522 asin tatahakon an Zamboanga – Lamitan, Basilan na ruta, saro sa mga pangenot na ruta sa lugar kan Zamboanga-Basilan.
Ngonian na aldaw, nag-abot an barko sa pantalan kan Zamboanga City asin tulos na gagamiton para sa mga pasahero.
Segun sa Maritime Industry Authority (MARINA), wara nin dugang na pasahero na idadagdag sa temporaryong serbisyo kan nasabing barko, na pagsasadiri kan Montenegro Shipping Lines.
Magagamit man ini mantang suspendido an gabos na Aleson Shipping Lines, an shipping company na kagsadiri kan Trisha Kerstin.
Presente man an safety inspections sa gabos na mga barko kan Aleson, kasabay kan comprehensive audit sa Safety Management System kan naunambitang kumpaniya.
Sa huring report na nakuwa kan Bombo Radyo Philippines, uminabot na sa 29 an nagadan sa malagim na maritime incident.
