Pighayag ni Mariel Padilla na dae na madalagan sa 2028 elections an saiyang agom na si Robin Padilla, kun sain sinabi pa kaini na minsan namamatean niya na dae ‘deserve’ kan publiko an actor-politician.
Pigbuyagyag man ni Mariel na dae nabago an saindang pamumuhay puon kan naglaog si Robin sa Senado.
Pigtuga pa kaini na may mga oras na namamatian niyang dai inaappreciar an saiyang agom sa serbisyo publiko, na nagpapamati saiya na mas maray kun dai na siya magdalagan giraray.
Pagbuyagyag pa niya na pig-isipan man ni Robin an pagdemitir sa pwesto makapirang beses kan siya na-overwhelm kan sistema asin ipigdoon na an saiyang agom an dae nagkaigwa nin mga ambisyon para sa mas halangkaw na posisyon sa pulitika.
Pigduon ni Mariel na nagdesisyon na an saiyang agom na dai na magdalagan sa eleksyon sa 2028, lalo na para sa pagka-bise presidente.
