LEGAZPI CITY—Maabot sa 1,132 benepisyaryo na apektado kan padagos na aktibidad kan bulkang Mayon an target na matabangan ngunyan kan Department of Labor and Employment (DOLE) Bicol.
Segun ki DOLE Bicol Regional Director Imelda Gatinao, sa intrevista kan Bombo Radyo Legazpi, preparado sindang tabangan an mga ini huli sa pigkonsiderar sinda bilang displaced workers urog na sakop sinda kan 6 kilometer permanent danger zone kan bulkan.
Nagpapakol man sa labi P6 milyon an ipig-alokar na tabang para sa initial displaced workers.
Dugang ni Gatinao na en kaso magsakat sa alert level 4 an bulkan an mahalangkaw an saindang asistensya sa paagi kan pakikipagkoordinar sa central office kan ahensya.
Sa presente, nagpapadagos an profiling kan ahensya sa mga evacuees na presenteng nagtitinir sa mga evacuation centers sa provincia.
Pigsierto man kan opisyal na preparado an DOLE asin iba pang ahensya kan gobierno na magbarewas nin tabang sa mga residenteng apekatado kan pag-alburoto kan bulkan.
