LEGAZPI CITY—Nag-abot sa 43 na kaharongan an nadanyaran sa rehiyon kan Bicol makalihis an pangrarapado kan bagyong Ada.
Segun ki Office of Civil Defense Bicol Spokesperson Gremil Naz, sa intrevista kan Bombo Radyo Legazpi, duwa digdi an totally damaged partikularmente sa banwaan kan Matnog, Sorsogon; mantang nairehistro man 41 partially damaged houses sa banwaan kan Rapu-Rapu, Albay.
Dugang kan opisyal na nagsakat na man sa P10.7 milyon na kantidad nin tabang kabale an food asin non-food iteams, an naibarewas kan Department of Social Welfare and Development, local government units asin iba pang stakeholders para sa mga naaeojataran kan nasabing bagyo.
Wara man na nai-report na nawawarang indibidwal makalihis an pangrarapado kan bagyong Ada.
Mientrastanto, sa presente pighahalat pa kan saindang ofisina an decampment kan mga nag-ebakwar na residentes huli kan nakalihis na kalamidad.
