LEGAZPI CITY-Ipigebakwar an nasa 765 na pamilya sa Daraga Albay bilang preventive measure sa posibleng lahar flow orog na sa Mi-isi gully asin iba pang river channels.
Segun kay Daraga Municipal Disaster Risk Reduction and Management Council Head Engr. Bim Dineros, sa intrevista kan Bombo Radyo Legazpi na nanotaran ninda an suboot ‘muddy’ na agos kan tubig alagad dai pa ini maikokonsidera bilang lahar flow.
Katakod kaini dai pa sinda magpapaotob nin decampment mantang nag-subside na an pagbabaha sa nagkapirang
river channel asin spillway sa lugar.
Mientrastanto, presenteng mga light vehicles muna an pigtutugutan na mag-agi sa Budiao Road huli sa bako man ini sementado.
Pagirumdom man kan opisyal sa mga evacuees na dai na muna magpirit na maguli asin maghalat sa anunsyo kan mga barangay officials.
