LEGAZPI CITY—Natupok nin kalayo an sarong harong sa Purok 6, Barangay Anislag, Daraga, Albay pasado alas-7 nin banggi kan Agosto 30.
Segun ki Daraga Fire Station Intelligence and Investigation Unit Chief Senior Fire Officer 1 Felam Jacob, sa intrevista kan Bombo Radyo Legazpi, gibo an harong sa light materials.
Sa presente, nagpapadagos an imbestigasyon kan saindang opisna kun ano an kawsa kan nasabing kasulo.
Dugang kan opisyal na wara man na nairido o nairehistrong casualty sa insidente, siring man na warang nadamay na kataning na mga harong.
Basado man sa saindang pagkarkulo, nag-abot sa P3,000 an kantidad kan nairehistrong danyos alagad pwedesir na madugangan ini kun magsumiter kan may kagsadiri nin affidavit of amount of damage.
Mientrastanto, nakapagrehistro naman an saindang ofisina nin 28 insidente nin kasulo sa banwaan puon kan Enero hasta sa presenteng bulan.
Abiso man ni Jacob sa publiko na dae pagpabayaan an mga pigluluto asin i-unplug an electrical appliances antes magkaturog o maghali nin harong nganing malikayan an mga siring na insidente.
