Posibleng makaeksperyensiya nin padagos na pag-uran an kadakol na lugar sa Visayas asin Southern Luzon huli sa epekto kan Tropical Cyclone Ada.
An siring na mga pag-uran, susog sa state weather bureau, posibleng maghaloy sagkod sa katapusan kan semana.
Ngonian na aldaw (Enero 15), an mga probinsya kan Northern Samar, Eastern Samar, Leyte, Southern Leyte, Dinagat Islands, Surigao del Norte, asin Surigao del Sur posibleng makaranas nin 50-100 mm nin pag-uran.
Saaga, Enero 16, posibleng magbuhos pa nin mas makusog na pag-uran sa mga probinsya nin Catanduanes, Northern Samar, asin Eastern Samar.
Piglalaoman na makakaeksperyensya nin 100-200mm nin uran an mga naunambitang lugar.
An probinsya kan Camarines Sur, Albay, Sorsogon, Samar, Biliran, Leyte, Southern Leyte, Dinagat Islands, asin Surigao del Norte makakamati nin 50-100 mm nin pag-uuran.
Sa Sabado, Enero 17, mabuhos liwat nin 100-200 mm na pag-uran sa probinsya kan Catanduanes, Camarines Sur, Albay, Sorsogon, asin Northern Samar, mantang an mga probinsya kan Camarines Norte, Masbate, Eastern Samar, Samar, Samar, asin Biliran makakamati nin 50-100 mm na pag-uuran.
Segun sa weather bureau na halangkaw an peligro nin pagbaha sa mga hababang lugar asin posibleng pagrasay kan daga.
Posible man na magdakula pa an bulto kan uran mantang nagdadangadang na an Bagyong Ada sa kadagaan kan nasyon.
