Inengganyar ni Department of the Interior and Local Government Sec. Jonvic Remulla an publiko na huwag mag-atubiling magrani asin ireklamo an mga pulitikong nahihiling nindang may pagka-“epal” sa paagi kan manlaen-laeng plataporma na inilalaan kan ahensya para sa obhetong ini.
Ini an nganing masierto na an mga opisyal kan gobierno an nagtitinir na honesto sa saindang honesto sa saindang sinumpaang mandato asin dae piggagamit an saindang posisyon para sa pansadiring interes o pagpapahamot kan pangaran.
An mga insidente nin pagiging “epal” kan mga pulitiko an pwedesir i-report sa “Bantay Korapsyon,” na siyang pangenot na anti-corruption initiative kan DILG.
An programang ini an sadyang pigbilog nganing labanan an korapsyon sa gabos nin antas kan gobierno.
Afuera pa digdi, pwedesir man isumbong an mga ini sa Public Assistance and Complaints Center (PACC), na nagsisirbing frontline service kan DILG para sa pagtanggap nin mga reklamo, pagbarewas nin tabang, asin pagsimbag sa mga kahapotan kan publiko.
Sienerto kan DILG sa publiko na ang gabos nin reklamo na saindang mareresibe an maire-record nin maayos, masusuri nin masinsinan, asin tatawan nin aksyon segun sa nararapat.
Ini an nganing ipahiling an saindang seryosong pagsimbag sa mga isyu nin kurapsyon asin pang-aabuso sa kapangyarihan.
