Kinumpirmar ni DPWH Secretary Vince Dizon na igwa nang bagong paagi asin proseso an saindang ahensya pagabot sa pagbilog asin pagpreparar kan budget.
Katakod kaini, sa saindang pagkapot asin pangangasiwa sa budget para sa taong 2027, sienerto asin pigpromesa ni Secretary Dizon sa publiko na dae na magkakaigwa pa nin mga pig-aapod na “allocables,” na kung saen an kalakaran nin pagtagama nin pondo basado sa personal na koneksyon asin impluwensya, sistema nin pakusugan mga dagdag-singit na proyekto na dae nag-agi sa tamang proseso asin mga proyektong warang malinaw asin komprehensibong plano.
Tinawan-doon pa niya na kaipuhan nin sarong bagong formula asin sistema sa pagbabadyet na nakabatay asin nagsisimbag sa mga tunay na pangangaipuhan kan kada lugar asin rehiyon sa nacion.
Segun sa opisyal na dapat igwang maayos asin detalyadong plano an kada proyekto na isasagibo, kinakaipuhang ining aprubaran asin sang-ayunan kan development council, asin higit sa gabos an eenoton an pagkumpleto asin pagtapos kan mga presenteng proyekto na presenteng pigsasagibo.
Sa saiyang pahayag, nangapudan man si Secretary Dizon sa gabos nin mga kairiba niya sa gobyerno asin sa publiko na dagos nang wakasan an paggibo asin pagtagama nin pondo na may obhetong manghabon asin bako magserbi nin hinesto asin totoo sa namamanwaan.
