Posibleng kaipuhanan kan Kamara de Representantes na magkasa nin pormal na imbestigasyon nganing maberipika an mga alegasyon kan detainee na si Ramil Madriaga laban kay Vice President Sara Duterte.
Segun kay Bicol Saro Party-list Rep. Terry Ridon, pwedesir kaipuhanon ini enkaso ibale an saiyang affidavit bilang basehan kan panibagong impeachment complaint laban sa Bise Presidente.
Paliwanag kan mambabatas na maski dae pa opisyal na parte kan anumang impeachment case an isyu ni Madriaga, dae ini pwedesir balewalaon kan Kongreso kun gagamiton sa sarong prosesong may darakulang implikasyon sa konstitusyon.
Pagdoon niya, kakaipuhanon kan corroborative evidence o kadugangang matibay na ebidensiya arug kan dagdag na testigo asin dokumento.
Nasa holding pattern pa man suboot an mga impeachment proceedings mantang pighahalat an desisyon kan Korte Suprema sa motion for reconsideration kan Kamara, na masirbing giya sa masunod na lakdang kun may isusunad na reklamo sa Pebrero 6, 2026.
Mientrastanto, sinabi ni Ridon na magabat an mga akusasyon ni Madriaga asin pwedesir pa mang hilingon kan Kongreso maski dae ini magin pormal na impeachment ground.
Kinumpirma man niya na posibleng masumite kan ikaduwa o clarificatory affidavit si Madriaga nganing linawin an saiyang mga alegasyon laban sa Bise Presidente.
