Nangapudan si suspended Cavite 4th district Representative Kiko Barzaga nin imbestigasyon sa pagkagadan ni Dueñas, Iloilo Vice Mayor Aimee Paz Lamasan nganing maaraman an saiyang pagkagadan an huli sa saiyang naaaraman sa mga anomaliya sa flood control projects sa probinsya kan Iloilo.
Sa inupload na video ni Barzaga online, sinabi niyang “suspicious” suboot an timing asin nature kan pagkagadan kan bise alkalde.
Ipighayag kan suspendidong lehislador na dakol na kahaputan an lumutang sa nasabing insidente.
Segun ki Barzaga, pig-imbestigaran suboot sinda sa saindang pagkakadawit sa mahewasang korapsiyon sa nacion.
Sa presente, wara pang ipigluwas na pahayag an lado kan mga nasabing lehislador asin local official sa mga alegasyon ni Barzaga.
Magigiromdomang namaaram an Bise Alkalde kan Disyembre 31, makalihis aksidente suboot na mabadil an sadiri sa laog kan saindang harong sa sarong subdivision sa La Paz, Iloilo City.
Sa ngunyan nagtitinir na suspendido si Barzaga makalihis siyang suspendiron kan House Ethics Committee sa laog nin 60 aldaw kan Disyembre 1, 2025 huli sa suboot ‘unethical‘ behavior makalihis an sunud-sunod na atake sa gobyerno asin pagpo-post nin malalaswang ladawan kan mga babaeng nakabikini sa social media.
