Piglalaomang mababa pa sa 3.10 milyong metriko tonelada an produksyon kan paroy sa Pilipinas puon Hulyo hasta Setyembre 2026, basado sa pinakahuring pagkarkulo kan Philippine Statistics Authority o PSA.
Mas hababa ini nin 17.2 porsiyento kumpara sa aktuwal na 3.75 milyong metriko toneladang naani sa kaparehong panahon kan nakalihis na taon.
Mas hababa man an bagong pagkarkulo kumpara sa naenot na 3.19 milyong metriko tonelada basado sa datos kan Agosto.
Susog sa PSA, piglalaomang masadit nin 17.8 porsiyento an hewas kan dagang naanihan nin paroy, gikan sa 916.77 ribong ektarya kan ikatulong quarter kan 2025 pasiring sa 753.68 libong ektarya ngunyan na taon.
Siring man, piglalaomang bahagyang mahalangkaw nin 0.7 porsiyento ang ani kan paroy kada ektarya, sa 4.12 metriko tonelada.
Mientrastanto, piglalaoman mang mababa sa 2.08 milyong metriko tonelada an produksyon kan mais, hale sa 2.43 milyong metriko tonelada kan kaparehong panahon kan nakalihis na taon.
Bilang simbag sa panganagipuhan sa suplay, target kan National Food Authority na makabakal nin hasta 500,000 metriko toneladang paroy sa presenteng anihan, mantang pigbubusol man kan Department of Agriculture ang pagpapahewas kan quote sa pag-aangat nin mais nganing makatabang na mapugulan an paglangkaw kan gastos sa pagkakan kan mga urig asin manok.
