LEGAZPI CITY-Nabisto an talento ni Marcelito Pomoy makalihis na mag-perform siya para kay U.S. President Donald Trump sa New Year’s Eve party kaini na nangyari sa Mar-a-Lago estate kan Presidente sa Palm Beach kan Disyembre 31.
Sa post na ipigheras ni Marcelito, mahihiling na kaiba niya sinda Trump asin First Lady Melania Trump sa nasabing event kun sain kinanta niya an classic song na “The Prayer.”
Marurumduman na nagsikat si Marcelito sa Pilipinas makalihis an pagkagana sa ikaduwang season kan Pilipinas Got Talent kan taong 2011.
Nabisto man siya sa internasyunal na entablado kan taong 2018 kan nagluwas siya sa “The Ellen DeGeneres Show” asin kan nag-intra siya sa America’s Got Talent: The Champions kan taong 2020.
