LEGAZPI CITY-Piglalaoman na madagdagan pa an numero kan mga insidenteng naputukan sa nakalihis na pagselebrar kan Pasko asin Bagong Taon, segun sa Department of Health (DOH).
Ini sa tahaw kan nagpapadagos na beripikasyon sa mga datos kan Department of Health-Epidemiology Bureau.
Segun kay Health spokesperson Assistant Secretary Albert Domingo, posibleng madagdagan pa nin labi sa 300 na biktima kan mga paputok an nairehistrong 235 na kaso sa enot na mga aldaw kan taong 2026.
Paliwanag ni Assistant Secretary Domingo na malangkaw pa an mga numero kan mga biktima nin paputok huli sa mga late reports.
Basado sa pinakaohuring datos kan ahensiya, kadaklan sa mga biktima nin paputok sa nakalihis na selebrasyon kan holidays an nasa 19-anyos pababa kun sain nasa 69% ini, mantang nasa 31% man an mga biktimang edad 20-anyos pababa.
Pinakadakol man na nagsapo nin injuries huli sa paputok na Boga asin 5-star.
Nakatakda man na magpaluwas nin kumpirmadong datos an ahensiya sa masunod na mga aldaw.
