LEGAZPI CITY—Nagin magayon an kinaluwasan kan programang “Oplan Paalala: Iwas Paputok” kan Bureau of Fire Protection Legazpi, makalihis na warang nairehistrong anumang insidente nin kasulo o may nairido kinaaraman sa paggamit nin paputok an saindan ahensya durante kan holiday season.
Segun ki Legazpi City Fire Station Public Information Officer Senior Fire Officer 2, Norman Andes, sa intrevista kan Bombo Radyo Legazpi, na mas nagbaba nin 20% ngunayn an mga nairehistrong insidente nin kasulo sa ciudad kumpara kan nakaaging taon na 2024.
An nasabing pagbaba an resulta kan nagpapadagos nindang esfuerso, lokal na gobierno, iba pang ahensya magin kan publiko sa pag-promote nin fire safety para sa nasabing selebrasyon.
Dugang kan opisyal na wara man na nadakop o nakumpiskar an saindang opisina nin mga naggagamit nin ilegal na paputok o boga durante kan saindang pagpapatrolya sa ciudad.
Mientrastanto, padagos man an pagiromdom kan nasambitang opisina sa namamanwaan na magin fire safety conscious para man sa saindang sadiring kaligtasan.
