LEGAZPI CITY – Ipigdoon kan Department of National Defense (DND) an matoninong na pagresolbar kan mga iriwal na warang pananakot kasunod kan mga military drills kan China sa palibot kan Taiwan.
Sa sarong pahayag, an defense department nagpahayag nin matinding paghadit sa mga aksyon kan militar asin coast guard kan China sa palibot kan Taiwan, na sinabi kan ahensya na nagpapaluya sa katoninongan asin estabilidad kan rehiyon.
Segun ki Defense Secretary Gilberto Teodoro, an nagdadakulang pangigipit kan China igwa nin epekto bako sana sa relasyon kan Taiwan asin China, kundi pati na sa Indo-Pacific region.
Ipigdoon kan ahensya na dapat irespeto an international law, dapat gibuhon an pagpugol sa sadiri, asin dapat manteniron an matoninong na pagresolbar kan mga iriwal.
Ipigdoon liwat kan Pilipinas an suporta kaini para sa sarong malaya, bukas, estable, asin rules-based na Indo-Pacific.
Ngonian na semana, nagpoon an China kan saindang military drills sa palibot kan Taiwan, na suboot bilang patanid laban sa pakikiaram kan “external forces.”
Kasunod ini kan pigbabareta na pag-aprobar kan Estados Unidos sa $11.1 bilyon na pagpabakal nin armas sa Taiwan, na pigkokontra kan China huli sa pigbabalgar suboot kaini an prinsipyo kan “One China” asin nagkakawsa nin tensyon sa rehiyon.
 has stressed the peaceful resolution of conflicts without threats following China's military drills around Taiwan.){kind=link}