Nagpatanid an Philippine Psychiatric Association (PPA) laban sa mga pahayag na nagkokonektar kan paggamit nin mga antidepressant sa paglangkaw kan mga suicidal thoughts, asin ipigdoon na an siring na mga claims an kulang nin supisyenteng medikal na basehan asin orog sanang nagpapalakop nin stigma sa mental health.
Ginibo kan grupo an anunsyo sa sarong pahayag kasunod kan mga bareta na nagpositibo sa antidepressants si dating DPWH Undersecretary Catalina Cabral, mantang pig-iimbestigaran pa an saiyang pagkagadan na pigklasipikar na suicide.
Segun sa PPA, an depresyon asin suicidal behavior an komplikado asin multifactorial, asin an mga antidepressant sarong lehitimo asin epektibong pagbulong kun tamang pigreseta asin pigbabantayan.
Ipigdoon kan organisasyon na an dai nabubulong na depresyon igwa nin halangkaw na peligro nin suicide, asin an warang basehan na pagbasol sa mga antidepressant an iresponsable asin pwedesir makaolang sa mga tawo na maghagad nin propesyonal na tabang.
Katakod kaini, an Psychiatric Association nangapodan para sa responsableng pamamahayag asin maingat na pag-orolay kan isyu kan mental health.
 has warned against statements linking the use of antidepressants to an increase in suicidal thoughts, and stressed that such claims lack sufficient medical basis and only further stigmatize mental health.){kind=link}