Pinirmahan kan bicameral conference committee kan Domingo nin hapon an Committee Report na nagkakasundo sa mga probisyon kan House Bill No. 4058 o General Appropriations Bill (GAB) para sa 2026.
An na-enroll na propwestong ley an nagtatagama nin labi ₱6.7 trilyon para sa gastuson kan gobierno sa taong 2026.
Pinangenotan ni House Appropriations Committee Chairperson asin Nueva Ecija Rep. Mikaela Suansing ang delegasyon kan Kamara sa pagpirma kan report, kaiba sinda Reps. Jose Alvarez, Javier Miguel Benitez, Albert Garcia, Marcelino Libanan, Jurdin Jesus Romualdo, asin Allan Ty.
Segun ki Senate Finance Committee Chair Sen. Win Gatchalian, nag-agi sa mahigot na proseso an propwestog badyet na pigbibilog nin labi sa 4,300 pahina, kabale an mga mga annex, na binasa nin limang beses.
Dugang kani na ilalathala ang dokumento sa transparency portals kan Senado asin Kamara makalihis an ratipikasyon.
Nakatalaang ratipikahan kan House of Representatives asin Senado an bicam report sa saindang plenary session sa Lunes nin hapon.
Makalihis ini isusumiter an propwestong badyet sa Presidente para sa pormal na pag-apruba.
Piglalaomang pipirmahan kan Presidente an 2026 national budget sa enot na semana kan Enero 2026.
