LEGAZPI CITY-Nakapagrehistro nin magnitude 4.6 na linog sa probinsya kan Zambales.
Segun sa report kan Phivolcs, namatean ini pasado alas-2:00 nin maagahon ngonian na aldaw.
An sentro kan linog nasa 17 kilometro north-west kan Palauig, Zambales, asin may rarom na 48 kilometro.
Namatean an Intensity III sa Palauig, Masinloc, Iba, asin Botolan, Zambales.
Mientrastanto, Intensity II man an nairehistro sa Quezon City.
Sa instrumental record, Intensity III an nairehistro sa Botolan, Zambales.
Mantang Intensity II an naeksperyensyahan sa Masinloc asin Iba, Zambales, siring man sa Guagua, Pampanga.
Intensity I man an nairehistro sa San Marcelino, Zambales; Calumpit, Bulacan; Rizal, Nueva Ecija; Santa Ignacia, Tarlac; asin sa mga ciudad kan Navotas asin Malabon.
Wara man nin nairehistrong danyos o nagadan alagad pigpapagirumduman an publiko na magin handa sa posibleng aftershocks.
