LEGAZPI CITY—Arestado an sarong lalaki makalihis na suboot ilegal na magpaputok ini nin badil sa aldaw nin Kapaskuhan sa Barangay Cagdarao, Panganiban, Catanduanes.
Segun ki Panganiban Municipal Police Station Chief of Police Police Captain Jefferson Escasinas, sa intrevista kan Bombo Radyo Legazpi, biglang nagkaigwa nin dae pagkakasinabutan sa katahawan kan irinuman kan saiyang saiyang kaiba sa nasabing barangay kaya nagresulta ini sa pagbunot kan saiyang badil.
Basado man sa nakahiling kan insidente, na sa kadagaan kan suspek pinaputok an nasabing badil asin warang tinamaan na indibidwal.
Segun sa opisyal na nabakal kan suspek an badil kan ini nagtatrabaho pa sa Quezon asin na-engganyar na darahon ini sa nasambitang banwaan.
Nakumpiskar digdi an sarong caliber 9mm pistol (NP22) na may serial number 6006984, sarong itom na holster, sarong bakanteng magazine, sarong magazine na may anom na bala, asin 33 pidaso nin live ammunition na nakabugtak sa sarong kolor purple na medyas.
Mientrastanto, nasa kustodiya na kan Panganiban MPS an suspek para sa magkakanigong disposisyon asin mahahampang sa kasong pagbalgar sa Republic Act 11926 o Illegal Discharge of Firearm, asin Republic Act 10591 o Comprehensive Firearms and Ammunition Regulation Act.
