LEGAZPI CITY – Nangapodan an konseho kan Barangay Victory Village South, Legazpi City sa saindang mga residentes na maggamit nin alternatibong pamparibok sa pagsabat kan bagong taon.
Segun ki Punong Barangay Basilia Capino sa intrevista kan Bombo Radyo Legazpi na pwedesir man na gumamit nin planggana, kaldero, kawali bilang alternatibong pamparibok kaysa sa paggamit nin paputok.
Padagos man an pagpatrolya kan saindang mga tanod nganing pagbawalan an saindang mga nasasakupan sa paggamit kan anumang klase nin paputok arug na sana kan boga na kalimitang pigagamit kan mga menor de edad.
Nakahanda man suboot an saindang rescue vehicle nganing tulos madara an siisay man na mabiktima kan paputok na kaipuhan isugod sa pinakaharaning hospital.
Pigtaram pa ni Capino na dae man ninda nalilikayan na igwang pasaway sa saindang lugar na pigtatago an paputok kapag nakahiling nin mga tanod o opisyales kan saindang barangay kun kaya kahagadan ninda na magsunod sa saindang pangapodan ngonian na bagong taon.
