LEGAZPI CITY—Pigbabantayan ngunyan kan Daraga Philippine National Police an mga paratienda na posibleng magpwesto sa mga gilid kan tinampo sa banwaan urog na sa kasentrohan ngunyan na Kapaskuhan.
Segun ki Daraga Municipal Police Station Chief of Police, Police Lieutenant Colonel Edgar Azotea, sa intrevista kan Bombo Radyo Legazpi, pigbabawal suboot ini huli sa may ipinaluwas na executive order an lokal na gobierno kan Daraga kun sain na lugar sinda dapat na magtinda urog na an mga paratienda nin prutas, gulayon asin iba pa.
Afuera sa mga paratienda, mahigot man na pigbabantayan kan saindang patrollers an mga nagsasaraod huli sa huma kan mga nananalisi o namamantala sa siring na matawong sitwasyon.
Pig-asigurar man ni Azotea na yaon an saindang opisina na preparado na magtaong asistensya o aksyon sa kun ano man an nanutarang kaduda-dudang mga hiro sa lugar.
Dugang kaini na sa ibong kan nasa panahon nin Kapaskuhan an padagos man liwat sindang nakabantay sa mga igwang warrant of arrest asin pagkundusir nin manlain-laing operasyon kan kapulisan sa nasambitang banwaan.
