LEGAZPI CITY – Nakatalaang pag-olayan kan mga estado kan Australia an pag-bago sa saindang gun law.
Ini an kasunod kan madugong insidente nin pambabadil sa Bondi beach kun sain 15 katawo an nagadan.
Paliwanag ni Bombo International News Correspondent in Australia Denmark Suede sa intrevista kan Bombo Radyo Legazpi na sa irarom kan pagbabago an pwedesir nang magkaigwa nin national registration mapadapit sa pagsasadiri nin badil.
Kabale man sa pagde-debatehan kan mga estado iyo an kun pira sanang badil an dapat nakarehistro sa sarong tawo.
Alagad may posibilidad na mahahaluyan an pagtukar sa naunambitang ley huli ta kada estado an may manlain-laing regulasyon mapadapit sa gun ownership.
Mientrastanto, pigtaram man ni Suede na naresibi na kan sarong lalaking nakipag-agawan nin badil sa saro sa supek sa nangyaring pambabadil an naguno na mga kwarta gikan sa mga tawo alagad nakakaresibi man ini nin pagtuyaw hale sa mga kapwa kaini muslim.
