Nagkundusir nin search operation ang mga operatiba kan National Bureau of Investigation-Cordillera Administrative Region sa hotel sa Baguio City kun sain huring nagdagos si dating Department of Public Works and Highways (DPWH) Undersecretary Maria Catalina Cabral bago siya binawian nin buhay.
Sa sarong social media post, sinabi kan NBI na hinalughog kan saindang mga ahente an kuwarto ni Cabral sa linaw kan search warrant na inisyu ni Regional Trial Court–Baguio City Branch 6 Judge Michael Francisco.
Tinugutan kan korte an pagkuwa nin mga ebidensiyang pwedesir na makatabang sa paglilinaw kan mga pangyayari katakod kan pagkagadan ni Cabral.
Segun sa NBI, nakasentro an operasyon sa pag-secure sa mga record asin iba pang materyales na may kinaaram sa padagos na imbestigasyon.
Nangapodan man an mga otoridad sa mga motorista na nag-agi sa Kennon Road kan Disyembre 18 na magsumiter kan saindang dashcam footage na pwedesir makatabang sa imbestigasyon, sa ibong kan manlaen-laeng espekulasyon.
