LEGAZPI CITY—Nagpatanid an National Meat Inspection Service Bicol sa publiko mapadapit sa nagkapirang meat dealers na nagsasamantala orog na ngonian na holiday season.
Segun ki National Meat Inspection Service Bicol Regional Director Dr. Alex Templonuevo, sa intrevista kan Bombo Radyo Legazpi, na importante na dapat hilingon an tatak kan pagkasuri kan pigbakal na karne nganing masierto na ligtas ining ikonsumo kan tawo.
Siring man an paghagad nin dokumentos kan Meat Inspection Certificate para sa bagong katay na karne, mantang Certificate of Meat Inspection man an dokumento para sa frozen na karne.
Dugang kan opisyal na dapat pirmado an mga nasabing dokumentos kan saindang meat inspection officer nganing sigurado asin nag-agi ini sa inspeksyon kan saindang ahensya.
