LEGAZPI CITY-Padagos an pagmamantenir kan kalinigan kan konseho kan Barangay Gogon Legazpi City mapadapit sa saindang Materials Recovery Facility (MRF).
Segun ki Barangay Gogon Kagawad Richilda Chie Atun sa intrevista kan Bombo Radyo Legazpi na pigmamantenir ninda an kalinigan kan saindang Materials Recovery Facility siring kan proper segragation kan mga basura.
Ini suboot an nagin rason kun nata nakasabay sinda sa kategorya bilang Best Barangay huli sa padiit-diit nindang pigkokontrol an basura na pigtatapok kan mga residente sa saindang MRF.
May kadifisilan suboot an lakdang huli sa nasa along-the-road kan Barangay an saindang MRF asin may mga kataning na establisimyento.
Kun kaya pigmamantenir ninda an kalinigan ngani dai tulos mapano an ‘volume’ mga basura digdi.
Dugang pa kan opisyal na dakulang tabang ini para sa mga residentes asin nagpapasalamat man siya sa kooperasyon ngani pakusugon asin ipadagos an pagmamantenir kan kalinigan sa saindang lugar.
