Ipighayag kan Bureau of Fire Protection (BFP) na ibubugtak an bilog na ahensya sa Red Alert puon Disyembre 23, 2025 hanggang Enero 2, 2026.
Segun ki BFP Spokesperson Sr. Supt. Bonifacio Carta, ibubugtak muna an ahensiya sa heightened o Blue Alert puon Disyembre 15.
Sa Blue Alert, nangangaipuhan nin 50 porsiyento na presensiya kan saindang mga personahes, mantang an Red Alert an nangangaipuhan nin 100 porsiyento na presensiya.
Dugang ni Carta, sa irarom kan Red Alert, magtitinir sa saindang opisina o istasyon an mga personahes para sa 24-oras na monitoring nganing tulos na makaresponde, asin gabos nin leave, afuera sa sick leave, an paramientras na suspendido.
Magkakaigwa man sinda nin Oplan Paalala – Iwas Paputok, kun sain 32,000 na personahes an ide-deploy sa bilog na nacion.
Obheto kaini na pakusogon an kaaraman sa kaligtasan laban sa kasulo kada holiday.
