LEGAZPI CITY—Nangapodan an grupo na Samahang Industriya ng Agrikultura (SINAG) na dapat pag-adalan kan gobierno na gibohong mandatory an pagsunod sa pigpapaotob na maximum suggested retail price kan karneng orig sa ibong kan paghalangkaw kan presyo kaini sa merkado.
Segun ki SINAG Executive Director Jayson Cainglet, sa intrevista kan Bombo Radyo Legazpi, na afuera sa pag-monitor kan gobierno an dapat man na mapanimbag sa ley sa hanay kan nagkapirang traders o retailers na dae nagsusunod sa tamang presyuhan kan produkto.
Pigdoon man kan opisyal na warang basehan na maghalangkaw pa an presyo kan urig huli sa bagsak an farmgate prices kaini sa mga nakaaging bulan.
Dugang kaini na an dae pagkomple sa pigpaotob na maximum suggested retail price an dapat magin parte kan Anti-Agricultural Economic Sabotage Act na nagbabawal sa profiteering.
Naglalaom man si Cainglet na magamit an mga nasabing bagong ley nganing maprotehiran man an mga konsomedores asin paraooma sa nacion.
