LEGAZPI CITY—Dakulang development suboot para sa kakulangan kan teaching personnel sa nacion an pag-hire kan Department of Education (DepEd) nin labi 30,000 na paratukdo sa taong 2026.
Segun ki Alliance of Concerned Teachers National Chairperson Ruby Ana Bernardo, sa intrevista kan Bombo Radyo Legazpi, mantang magayon ining bareta an naghihingoa an grupo na magin 50,000 kuta ini kada taon nganing masimbagan an 145,000 na kakulangan sa mga paratukdo.
Pangapodan kan grupo sa ahensya na maparikas man an hiring process kan mga mawot na magtukdo sa public schools huli sa saro ini sa mga problema sa kakulangan nin paratukdo sa nacion.
Dugang niya na importante na madugangan an nasabing kakulangan huli sa nangyayaring learning crisis sa mga kajovenesan.
Mientrastanto, pangapodan man kan grupo na madugangan nin nakabubuhay na sweldo an mga paratukdo asin ma-address an kakulangan sa mga paratukdo, non-teaching personnel, magin classrooms, asin iba pang kinakaipuhan na gamit nganing dae na mag-abonar sa gastos an mga paratukdo.
