LEGAZPI CITY-Ma-alokar an Department of Labor and Employment (DOLE) nin labi sa P2.045 billion ngonian na taon para sa emergency employment kan mga obrerong nadanyaran nin kalamidad siring kan pagsabog kan bulkan, pagbagyo, asin paglinog sa manlain-lain na parte kan nacion.
Segun sa Bureau of Workers with Special Concerns (BWSC), uminabot sa 381,513 indibidwal an natabangan kan magsabog an Mt. Kanlaon.
Kadaklan kan ayuda an hale sa TUPAD program, na nagtaong temporamenteng trabaho sa laog kan 10 hasta 90 aldaw para sa debris clearing, minor repairs, asin iba pang recovery work.
Makalihis an pagtama kan duwang makukusog na bago kan bulan nin Nobyembre, uminabot man sa labi 160,000 na mga obrero an natabangan kan ahensya sa irarom kan TUPAD, na may kabilugang pondo na P843 milyon.
Nakapagtao man nin tabang sa mga tinamaan kan linog kaiba an 9,413 workers sa Central Visayas na nakaresibe nin P55.9 milyon asin 5,726 workers sa Caraga asin Davao Region na nakakuwa nin P29 milyon.
