LEGAZPI CITY- Pinuunan na kan Barangay Bigaa sa ciudad nin Legazpi an pagbabarewas kan mga food packs para sa mga residente sa lugar.
Segun ki Kapitan Ricardo ‘Koko’ Arienda sa intrevista kan Bombo Radyo Legazpi na nasa 2,190 na pamilya an makikinabang sa nasabing food packs sa tabang kan City Social Welfare and Development Office.
Kumpwesto ini nin nasa tulong kilong bagas, mga noodles, de lata asin kape na mareresibe kan lambang pamilya.
Sinabi kan opisyal na maikokunsiderar na ining dakulang tabang para sa saindang mga constituentes.
Segun ki Arienda na sa presente nagkapirang purok pa sana an natatawan kan foodpacks kaya nangapudan an opisyal nin diit na pasensya para sa mga dae pa napapaabutan kaini.
