LEGAZPI CITY- Padagos na pig-aaydentipikaran ngunyan kan mga tanod sa Barangay Puro, Legazpi City an ayam na naka-kagat sa sarong persona na nagja-jogging sa lugar.
Segun ki Miguel Trilles, tanod sa nasabing barangay sa intrevista kan Bombo Radyo Legazpi na an nasabing ayam an sarong itom na ayam na may kolor puti sa bandang tulak.
Kan magpasiring suboot sinda sa lugar na pigtutukdo kan biktima, wara na sindang naabutan sa lugar.
Pigkukumpirmar man an impormasyon na hali sa Barangay Dapdap an nasabing ayam.
Sinabi ni Trilles na kun hali sa Barangay Puro an nasabing ayam, madali ining maaydentipikaran huli ta rehistrado an mga ataman sa lugar.
Sinierto man kan opisyal na aaksyunan ninda an isyu ngani na dae na mautro pa.
