LEGAZPI CITY-Basado sa inisyaal na protocol kan Legazpi City Water District (LWCD), nagkakaigwa nin mga air gap sa mismong laog kan mga tubo kun kaya maluya an buros kan mga tubig.
Segun ki Legazpi City Water District General Manager Rico Salazar, sa intrevista kan Bombo Radyo Legazpi na kinakaipuhan paluwason an mga paros sa mga darakula asin saradit na tubo ngani magkaigwa na nin suplay nin tubig sa nagkapirang lugar.
Natapos na man suboot an saindang pagpapa-buros nin tubig sa nagkapirang apektadong lugar orog na sa may parte kan Barangay Binanuahan.
Dagdag pa ni Salazar na masosolusyunan man ini sa paagi kan pagkakaigwa nin pumping stations kasabay an Mabinit line asin PHILHYDRO huli sa kadakol pa an nag-sasapar nin kakulangan sa tubig.
Mientrastanto, nagkapirang lugar na man sa ciudad an igwa nang suplay nin tubig asin may mga lugar na man an sindang pigduman ngani ma-address an kakulangan sa tubig digdi.
Naghagad man nin dakulang dispensa an opisyal sa publiko huli sa kinakaipuhan suboot nin permanenteng solusyon sa paagi kan mga pumping station alagad kaipuhan pa nin pondo para sa mga lugar na apektado orog na sa may Barangay Puro asin Buraguis.
Abiso kan opisyal sa publiko na magtipon nin tubig asin dai magpadara saindang nin mensahe ngani mahiling ninda kun sain pang mga area an kinakaipuhan na tutukan.
