LEGAZPI CITY-Nakatutok si President Ferdinand Marcos Jr. sa ikinasang kilos protesta ngonian na aldaw nin Domingo.
Segun kay Presidential Communications Office (PCO) Secretary Dave Gomez na pigbabantayan kan Presidente an mga rally katakod kan mga anomalya sa flood control projects.
Dagdag pa ni Gomez determinado an Presidente na panimbagon an mga nasa likod kan mga anomalya.
Sinabi pa niya na pigrerespeto kan administrasyon an direchos kan publiko na magprotesta sa matoninong na pagtiripon.
Nagsagibo nin rally sa parte kan Luneta, Mendiola, asin sa People’s Monument sa EDSA kun sain pangapudan man giraray an paninimbagan sa mga iregular na mga proyekto.
Tinawan doon man ni Gomez na dai naapekaktaran an Presidente sa pangapudan na magdemitir na ini sa pwesto.
Pigbibisto man suboot kan Palasyo an dagit kan publiko alagad pigsisierto man suboot ninda na seryuso asin pigtatrabaho na kan gobierno an mga presenteng kaso manungod sa isyu.
Mientrastanto, dai man suboot papatulan kan palasyo an mga ngin pahayag kan dating kongresista na si Zaldy Co, asin pigsisierto na dapat na ining mag-uli ngani hampangon an saiyang manhamiento de aresto.
