LEGAZPI CITY-Bigo an operasyon kan National Bureau of Investigation (NBI) asin Philippine National Police (PNP) ngonian na aldaw sa Pasay City.
Target suboot kan operasyon an nagkapirang opisyal kan Sunwest Construction asin dating tauhan ni ex-congressman Elizaldy “Zaldy” Co.
Susog sa mga impormasyon, sinalakay kan mga otoridad an sarong sampulong palapag na edipisyo makalihis makaresibe suboot nin impormasyon na digdi nagtatago an tulong opisyal kan Sunwest.
Napag-araman man suboot na nagpapanggap an mga ini bilang empleyado kan hotel ngani magdulag sa mga otoridad.
Alagad wara sindang naabutan sa nasabing edipisyo asin nabigo an saindang operasyon na maarestar an pigtutubudang mga pugante.
Marurumduman na sinangatan nin kaso kan Sandiganbayan si Zaldy Co asin 15 iba pa katakod kan mga anomalya sa flood control projects sa Oriental Mindoro.
Padagos na man na nagsasagibo nin follow-up operations an NBI asin PNP ngani mahanap an lokasyon kan mga pinaghahanap na personalidad.
