Binalewala kan Malacañang an pangapodan ni Vice President Sara Duterte na magsairarom sa drug test si Presidente Ferdinand Marcos Jr.
Segun ki Palace Press officer Claire Castro na magin si dating Presidente Rodrigo Duterte an dae nagpatol sa parehas na kahagadan sa anom na taong panunungkulan kaini.
Dugang pa kaini na sinabi dati ni dating Presidential spokesperson Harry Roque na dae pwedesir sugoon an Presidente kan nacion na magsairarom sa drug test.
Magigiromdomang kan Agosto 2018 kan ibinasura ni Roque an pangapodan ni dating Senador Antonio Trillanes IV na magsairarom si Duterte kaiba an pamilya kaini sa drug test.
An nasabing pangapodan an makalihis na pigtuga ni Duterte na naggagamit ini nin marijuana nganing magtinir na gising na kalaunan binawi kan dating Presidente.
