Nadakop na kan National Bureau of Investigation (NBI) an saro sa mga imbuelto sa anomalous flood control projects kun saen inisyuhan nin warrant of arrest kan Sandiganbayan.
Segun ki NBI Officer-in-Charge asin Director Atty. Angelito Magno, dae naabotan kan saindang mga personahes an akusado na binistong si Anthony Ngo, saro sa Board of Directors kan Sunwest Corporation, sa saiyang harong sa Cavite asin nasubaybayan ini hasta nadakop sa Rolling Hills, New Manila sa Quezon City.
Segun sa Quezon City Police District (QCPD), dati nang nagsangat nin mandamiento de aresto an mga pulisya sa pamamayo kan Criminal Investigation and Detection Group (DICG) Unit kan Philippine National Police (PNP) alagad wara sindang nakuang personalidad sa mga nakaaging attempts kan mga pulisya.
Mientrastanto, afuera ki Ngo, binisita man kan QCPD asin kan Kamuning Police Station an lokasyon ninda alyas Lerma Cayco asin Timojen Sacar sa South Triangle, parehong mga accountant sa Department of Public Works and Highways (DPWH) MIMAROPA Regional Office.
Pigsierto kan QCPD na orog pa nindang papahiguton an saindang follow-up operations asin manhunt efforts ngani na madakop an mga nasa listahan kan mga tinawan nin warrant of arrest.
 has arrested one of those involved in anomalous flood control projects and initiated a warrant of arrest by the Sandiganbayan.){kind=link}