Arestado an 20 Pilipino na pararehong crew kan barkong rehistrado sa Panama makalihis madiskubreng may pigtatagong 20 kilo nin top-grade cocaine na nakahalo sa kargamento.
Susog sa reports, kan masabat an barko na may laog nin dae mabisto na mga kargamento, kun saen nadukayan an nakabaon na cocaine kan mga operatiba kan Nigeria National Drug Law Enforcement Agency (NDLEA), rason nganing arestaron an gabos nin Filipino crew.
Sinabi kan NDLEA na ang barko an kalimitang nagdadara nin carbon sa pagultangan kan Brazil asin Colombia, mantang dae sinabi kun anong klase nin kargamento an pinaglaagan kan cocaine.
Ipigkonsiderar suboot na sentro kan trafficking asin paggibo nin iligal na droga an Nigeria, na pasiring sa iba pang mga nacion sa Europa asin Africa.
Enot nang ipighayag kan NDLEA na nakikipagtabangan sinda sa mga ahensya sa Estados Unidos asin British anti-drug agencies nganing imbestigaran an sarong cartel sa likod kan pag-angkat nin 1,000 kilo nin cocaine na nadiskubre sa sarong container sa pantalan kan Lagos.
Magigiromdoman man na mas pinakusog ni US President Donald Trump an presensiya kan mga puwersa kan US sa rehiyon kan Caribbean nganing hampangon an mga drug trafficker na nakabase sa mga nacion sa Latin America kabale an Venezuela asin Mexico.
