LEGAZPI CITY-Ipigbuyagyag kan Presidential Anti-Organized Crime Commission (PAOCC) na si Cassandra Li Ong, an otorisadong representante kan sinalakay asin pinasarado an Philippine Offshore Gaming Operator (POGO) na Lucky South 99 sa Porac, Pampanga.
Sa sarong pulong balitaan ngonian na aldaw, sinabi ni PAOCC spokesperson Winston Casio, na nagduman sa Japan si Ong kan enot na quarter kan 2025 pagkatapos na makaluwas sa detensyon kan Senado.
Aminado an opisyal na makalihis na siya matunton sa Japan, an wara sindang ideya kun sain nagduman si Ong.
Ipinaluwas na man suboot sa kalausnan an warrant of arrest laban kay Ong sa bulan nin Marso o Mayo na.
Alagad segun sa opisyal na subject na kan Interpol Red Notice si Ong asin presente nang nakikipagkoordinar an saindang ofisina sa iba pang law enforcement agencies para hanapon si Ong asin maibalik sa Pilipinas.
Nakadepende man suboot sa Department of Foreign Affairs (DFA) an pagkansela sa pasaporte ni Ong.
Marurumduman na naenot nang napag-araman na wara na sa Pilipinas si Ong kan isiwalat ini ni Senator Sherwin Gatchalian sa sesyon kan Senado.
Paliwanag kan Senador, pinalaya si Cassie Ong makalihis an 19th Congress huli sa wara pang isinangat na kaso kaito laban sa saiya.
Sa ngonian na igwang nakabinbing arrest warrant laban kay Ong katakod sa kasong qualified human trafficking.
