LEGAZPI CITY – Piglinaw kan Legazpi City Public Safety Office an mapadapit sa pigsasagibo nindang wheel clamping activity.
Ini makalihis kaya na makakuwa nin atensyon sa social media na suboot motor sana an pigbubugtakan ninda nin wheel clamp partikulamente na sa sarong parte nin kaunan na harani sa riles kan train sa Barangay Cabangan kan nasambitang ciudad.
Segun ki PSO Chief Octavio Rivero sa intrevista kan Bombo Radyo Legazpi na nakabugtak sa ordinansa na bawala paradahan nin behikulo an mag-inibong na parte kan riles nin sagkod 60 meters.
Afuera suboot sa ordinansa an igwa man nin namamanwaan na nagdulok sainda huli sa gabat kan trapiko sa nasabing lugar na kawsa man kan pag-illegal park kan mga behikulo urog na kun rush hour.
Sa nasambitang operasyon, uminabot sa poco mas o menos 15 behikulo an saindang na-clamp alagad tinawan ninda ini nin konsederasyon makalihis na maki-olay an mga ini sa saindang ofisina.
Pigtaram pa kan opisyal na dae man sinda nambibiktima sa saindang pag-clamp huli ta nagsusunod man sana sinda sa ordinansa kan lokal na gobierno asin ipigdoon na an mga barker an tunay na nambibiktima huli ta sinda an nagpapatugot na mag illegal park an mga ini.
Pangapodan ni Rivero sa mga motorista na aputon muna an mga barker kun pwedesir magpark sa sarong lugar nganing maibitaran na ma-clamp an saindang behikulo.
