LEGAZPI CITY-Piglinaw kan manager kan Albay Park and Wildlife na dai muna bubuksan saaga para sa publiko huli sa pigsasagibong clearing operation huli sa posibleng magresulta ini nin aksidente sa mga mabirisita.
Segun ki Albay Park and Wildlife Park Manager Dr. Franz Colambo sa intrevista kan Bombo Radyo Legazpi, na padiit diit na aayuson an lugar huli sa kadakol pa an mga natumbang darakulang kahoy.
Planong isairarom an nasabing an Albay Park and Wildlife sa sarong rehabilitasyon sa maabot na 2026 o 2027 basado sa ipigbubusol na proposal.
Pigpaplanuhan man an pagaayos kan pasyaran huli suboot sa haloy nang dai nare-renovate ini poon pa kan taong 2014 kun sain igwang pigeestimar na P50-Bilyon na budget.
Sa presente, makalihis an panrarapado kan bagyo an igwa na sanang 23 na mga street animals an nawawara sa Albay Park and Wildlife alagad difisil na suboot an paghahanap kan mga ini huli sa kadaklan digdi an mga bayong siring kan love birds.
Mientrastanto, nagpapasalamat man an opisyal sa mga nagin katuwang ninda sa paglinig sa lugar asin naghahagad man sinda nin diit na pasensya huli sa nagsasagibo pa man giraray sinda nin clearing operation hasta sa ngonian.
