LEGAZPI CITY-Dai mababa sa 26 na Pilipino an nahahampang sa padusang kamatayan sa manlain-lain na lugar sa kinaban.
Ito an nagin sentro kan diskusyon sa Senado mantang pinagolayan an propwestong budget para sa Department of Migrant Workers (DMW) para sa taong 2026.
Segun kay Senador Erwin Tulfo, an mga nabanggit na Pilipino an nakakalat sa manlain-lain na nacion kun sain 9 sa sainda an nasa Malaysia, 4 an nasa Brunei, asin an natatadang mga Pilipino an nasa Jeddah asin Riyadh sa Saudi Arabia, kasabay na an Qatar asin Kuwait.
Idinetalye pa ni Senador Tulfo, na nangengenot sa pagbusol nin propwestong pondo an ahensya asin aktibo suboot an pakikikapagkoordinar kaini sa Department of Foreign Affairs (DFA).
Pangenot man na katuyuhan kaini iyo an pagtao nin kinakaipuhan na tabang legal sa mga nasambit na Pilipino.
Apwera kaini, pighihingoha man ninda na mabawasan an sentensiya na itinao sa sainda.
Dugang pa kaini na bako sana an mga Pinoy na nasa abroad an pigtatawanan nin atensyon, kundi magin an saindang pamilya sa Pilipinas, na pigtatawanan man nin competent assistance.
