Pigbuyagyag ni Senate President Pro-Tempore Ping Lacson na “allocable” na an bagong apod asin bagong itsura kan pork barrel.
Pigpunto pa ni Lacson na sa saindang pagsusuri sa 2025 national budget maisasaladawan ini komo “corrupt to the core” o sukdulan an katiwalian.
Segun ki Lacson, ngunyan sana kaini nadangog an allocable asin sa saindang pagsirip sa budget an maikokonsederar na pork barrel ini.
Pigturo man kan senador na an mga allocable an nasa National Expenditure Program (NEP) asin nagtataong lugar nganing pondohan an mga proyekto antes pa man ining maaraman.
Pigtaram pa kan opisyal na dapat igwa munang items o proyekto na mahale sa Regional Development Council antes na alokaran nin pondo, alagad sa kaso kan mga allocables, naeenot pa an pondo saka pa sana ini hahanapan nin items sa NEP.
Pigpapasierto man ni Lacson sa Development Budget Coordination Committee (DBCC) na saraon nin marhay an mga proyektong ibabali sa NEP asin i-asegurar na mga lehitimo asin planadong proyekto an maa-alokaran kan pondo sa 2026 budget.
