LEGAZPI CITY-Nangangapudan an mga residentes kan Brgy. San Ramon Daraga Albay sa lokal na gobierno mapadapit sa tulay na buminagsak sa saindang lugar.
Segun kay Brgy Kagawad Jingly Madridano sa intrevista kan Bombo Radyo Legazpi, na huli sa narapak na tulay an dai makaagi an nagkapirang behikulo digdi.
Igwa man suboot nin alternatibong tinampo alagad padifisilan suboot ini para sa mga motorista orog na sa mga estudyante huli sa harayo an distansya kaini.
Mientrastanto, mas pinahigot man kan saindang sanggunian an pagpatrolya siring kan mga Barangay Tanod asin pirmihang nakaprepara sa pagtabang sa mga residente.
Pangapudan man ninda sa lokal na gobierno na tabangan sindang magin matoninong an saindang barangay asin para man sa mga residente, na magin alerto huli sa nagtetenir na brownout pa sa nasabing lugar
