LEGAZPI CITY-Pigpoonan nang ilaag kan city government an mga Trash bins sa nagkapirang pampublikong lugar sa Legazpi bilang disiplina sa pagtapok nin basura sa ciudad.
Segun kay Legazpi City Mayor Isham Ismail, sa intrevista kan Bombo Radyo Legazpi na naglaag sinda nin Trash bins sa Barangay Puro kun sain 18 digdi an sa may Boulevard asin 16 na man sa may Sawangan.
Nakaseparado suboot an mga basura para sa nabubulok, dai nabubulok asin sa mga recycled materials.
Pigeenganyar man kan opisyal an gabos na magin responsable sa patapok kan basura asin kun pwedisir man sana an sitahon an sisay man na dai magsunod digdi.
Mensahe man ni Mayor Ismail na wara nang rason pa ngani magwalat nin basura asin magtapok sa dagat, kaya dapat na magin disiplinado asin magtarabangan an gabos.
